COVID-19 (Marshallese)

Erkein enaan ko rokaal tata tok jen Dubuque Community School District:

RIKAKI RO RENAJ JINO KILAAJ KO ILJU NAN MIDDLE IM HIGH SCHOOL
Nan wot kakememej, rijikuul in middle im high school renaj jino kilaaj ko rikaki ro kwaloki lok ilju, Wonje, Eprol 8. Rijikuul ro rej aikuj delon ilo email akkaun ko aer jikuul ear lilok elkin 8 awa jibbon ilo Wonje nan aer lo komlele ko jen rikaki ro aer ikijen kilen aer delon nan lo katak ko. Katak kein kwoj kelet ewi eo kwoj kommane im rej jet ko romman im kamonono, komman bwe rijikuul ro ren maron kadedeikilok ekatak kein rokaal einwot ke renaj maron. Rijikuul ro renaj maron konono iben im bok uaak jen rikaki eo ilo tore eo ej ekatak. Rijikuul ro im baamle ko rej aikuj jerbal iben rikaki ro im principal ro ilo email kin kajitok ko ikijen kilen ekatak kein.

EJJELOK MONA ILO BOLAIDE IN; PEPA IN EKATAK ENAJ IWOJ TAIJE
Konke ekar baj lolo wot ke ejjelok jikuul, enaj ejjelok mona ENAJ EJJELOK AJEJ MONA ilo Bolaide in Eprol, 10. Mona nan Taije im Bolaide jimor naj ellewaj ilo Taije in, Eprol 9. Peba in ekatak ko nan wiik 3 renaj ellewaj ilo jikin ebbok mona ko ilo Taije.

RAAN KO JIKUUL EKAR KARON WAJ KOM
Enaan eo moktata jikuul ear karon waj baamle ko kon COVID-19 ekar ilo Maaj 9 im jen kar Maaj 12, kojjela elak kar iwoj ilo aolep kajojo ran in jerbal. Einwot an melele kein moramrom tok ilo aer ukoktak, district in enaj wonmanlok wot ilo an karon waj kom ikijen enaan kein nan baamle ko im rijerbal ro ilo ad dibuk iien kein rebben, mene emaron jab ilo aolep ran elane ejamin wor tok nan kojjelaik kom kaki. Einwot aolep iien, aolepen melele ko ikijen COVID-19 im ad kate koj kajjeon komman jerbal in jiban emaron walok ilo website eo ad ilo www.dbqschools.org im ilo Facebook ak ilo Twitter.

Iakwe nan aolep baamle ko an Dubuque Community School District,

Ikar ba nan rikaki ra ad ke ikar lo juon enaan ilo facebook ej kwalok an wiik eo ej jomlok lok likkuun aitok im einwot ne ej make wot aitok tata ilowan iio in. Ij tomak ke kom naj melele – jokjokin an Coronavirus monene ran otemjej, ejab jomlok an itok melele em doolol lok, im ad jab melele ekomman ad inebata im aban nan koj kajojo ran. Einwot baamle, jej melele ke komij jelmae jorren ko ilo jikin jerbal, an ejjelok jerbal, ak jerbal jen moko, ilo ami bareinwot lale im eddo kon ajiri ro, ami kab de kottolok kom jen ro jet – im kio, jiban rijikuul ro nejimi nan wonmanlok wot im komman ekatak. Enaj emman im jenaj aolep ella jen jen wewen in. Rikaki ra ad elab aer on im konaan tobar rijikuul ro. Rej emloke jomdoon eo rokon loe ilo kilaaj ruum im rej bukot kilen aer maron tobar rijikuul ro ilo jokjok in ekaal nan an rijikuul ro maron komman ekatak jen moko. Jej komaat ad maron bukot jet wewen ko nan komman bwe aolep men ren rool nan bar emman einwot kar mokta. Ilo ad loi im melele kon an jab jomlok an itok melele ko jen state ilo ad kajjeon kadedelok wewen ad naj lewaji katak kein nan rijikuul ro ilo ran kane rej bedo tok, jenaj wonmanlok wot im komokaj rijikuul ro im baamle ko imaan tata ilo bebe ko ad. Im, einwot ke jej jab maron kalimur ke allon in lal eban wor ikurbaloklok ie, jej kalimuri kom ke

• enaj komman jabdewot men jomarone – melele ke baamle ko renaj bar kate er jonan wot aer maron nan ta eo emman nan er ilo tore in. Jej aikuji ami komman ta kom marone ilo ami melele bareinwot ke wewen in ejanin bojrak.
• Jenaj kate koj nan komman jerbal in katakin kon jonan eo emman tata jemarone, kate koj nan ad jela im maron kadiklok kabanban kein rej jarjar jen wot jokjok in jej aolep jelmae – jej jela ke nan jet baamle, kotobar eo aer elap tata ej lolorjaki menin aikuj ko aer ilo tore in ewalok naninmej in.
• Eban jomlok ad ellewaj melele ko rejjejet im aorok jen iien nan iien. Ejamin wor uaak ibam aolep iien. Enaj wor melele ak renaj lonlok, im bolon uaak eo an ilju ejamin einwot eo rainin jen wot an ukoktak wewen kein. Botab jenaj keronjake im eoron tok wot enaan.
• Jenaj lolorjake aolep jerbal kein ad ilo ad enjake ta eo komij eddo kake, im jej melele ke wewen in ej jelet aolepen lal in im eboktok elap jorren im inebata ko jen enjaki enwot rejelet mour im aenomman im emaron boktok aaer in kolmenlokjen, iuwota im jaje ta jen kommane. Jej kajitok bwe komin jab meloklok bwe rikaki im rijerbal rein rej bareinwot jelami ejja wewen kein wot ilo aer kate er jerbal nan komokaj mokta rijikuul ro im baamle ko aer.

Einwot ami kar baj jela wot, rijerbal rein elab aer kate er – im ejab bojrak aer kommani jerbal ko remenin aikuj nan rijikuul ro im baamle ko ilo aer jab watok mekerta wewen kein rebben jej aolep jelmai ilo mour. Baamle ko,eaorok bwe komin melele ke enjake kein rej bar nan kom – jej melele ke ejab bidodo nan kom, im komij kate kom im kijenmij im kommane ta eo emman nan jurake baamle ko ami. Jenaj aolep ella lok jen wewen iben don. Ilo etan Dubuque Community School District, jej uteej in mootan joorlep ko an kamuniti in. Jej uteej im kamoolol kin wewen an baamle ko, district im jukjukinped in bok konaer im jiban ro elap tata aer jermatmat im laanwotwot ibwiljid woj.

Kom ro ilo Jikuul kein an DBQ im jooj ej jimor ibendon ilo wewen in.

Ilo kautej,
Stan Rheingans
Superintendent

Erkein enaan ko rokaal tok jen Dubuque Community School District:

RIKAKI IN MIDDLE IM HIGH SCHOOL-RENAJ KWALOK KILEN
Iload ekatak kin kilen katakin kein rej itok jen Ra eo an Jelalokjen ilo Iowa im ilo ad bukot tok wewen ko rommanlok kin kilen katakin ko ebo lok lomaer nan rijikuul rein, jenaj etal wot im jino katakin ilo an rikaki ro kwalok waj kilen kommani katak ko einwot ad kar karoke. Karokan katak kein rar ijjino jen wot wiik ko lok im ejab jarjar jen kojjela eo an Kobna eo inne. Ilo ad wonmanwaj kin kilen katakin in ejab kiel district in nan jotak wot ilo komman katakin, ak ej kotlok ad wonman lok wot ilo ad kottar elon lok melele ko tok jen Ra eo an Jelalokjen ilo Iowa wiik in lal ikijen ad komman kilen katakin kein. Jino jen wonje, Eprol 8 ran, rikai in middle school im high school renaj elmakote jabdewot kilen katakin ko, rikaki ro renaj jiban ilo kwalok waj kilen komman ekatak nan rijikuul ro. Rijikuul ro renaj aikuj delone district email account ko aer elkin 8 awa jibban ilo Wonje bwe ren maron loi komlele ko jen rikaki ro aer ikijen kilen aer maron loi nan kommani katak ko. Katak kein renaj iwoj ilo juon jokjok eo rijikuul eo enaj aikuj kadedelok katak kein rokaal elane renaj maron. Rijikuul eo enaj jerbal iben rikaki nan an bok komlele ko ilo tore eo ej komman ekatak. Rijikuul ro im baamle ko aer remaron konono iben rikaki ro im principal ro ilo email kin kajitok ko kake ekatak ko.

RIKAKI IN ELEMENTARY RENAJ WONMANLOK WOT NAN TOBAR KOM KIN KILEN KATAKIN
For our younger learners in the districtAjiri jiddik ro rej jikuul ilo district in, kotobar eo ilo kotaan in ej bwe rijikuul ro ren boub, ren ekatak im kile juon oktak im lo aorok eo an ta eo rej kommane. Aolep rikaki ro ilo district in rej kakkobaba kilen katakin ko ilo Seesaw im eban jomlok aer jeje waj nan baamle ko ilo Seesaw ak email im renaj bar call waj. Ebareinwot lon kaein kein ekatak ko ilo peba nan rijikuul in elementary ilo webpage ne ikijen Coronavirus ijene ikijen KILEN KATAKIN. Kin an tar jen jonan eo jar kotmane kake ear maat peba in komlele kin kilen katakin ko rar ajeji ilo jikin ajej mona ko ilo rainin. Ejja peba eo wot kar ajeje ilo rainin naj bar ajeje ilo Mande, Eprol 6 ran nan ro rar jab ebok aer ilo kar rainin.

KAKEMEMEJ: JIKIN IKKURE KO ILO IMON JIKUUL KO ROKILOK
Kon an ben im aban karreoik kein ikkure ko ilo jikin ikkure ko, im an bar lon armej im ikutkut aer jibjibwi kein ikkure ko, aolep jikin ikkure ko ilo imon jikuul ko an district in rokilok nan an armej etal in kojerbali mae bar juon iien naj kalikare. Kilok in ekar itok elkin wot kar kojjela eo jen Bukon in Dubuque im ebar lon bukon ko jet. Konke elon rijikuul remaron naj konaan kojerbal jikin ikkure kein ilo ran ko emman mejatoto, jej kajitok iben baamle ko nan debij er jen aer etal nan jiban bobrae ajeded in COVID-19.

KOMLELE KO IKIJEN KONONO IBEN AJIRI RO KIN CORONAVIRUS
Juon Jikin Ej Ekatak Kin Aer im Entaan in Komalij An Ajiri ro ear je juon bok in letok melele nan baamle ko Juon Ekatak Buk in Jiban Mama im Baba ro Jiban Baamle ko Tarinaaik Naninmej in Coronavirus (COVID-19) Ekatak in kar eiki nan jiban baamle ko lomnak kin jokjok ko naninmej ko rokabobo romaron jelet baamle – emaron ilo enbwinier ak kolmenlokjen ko aer _ im ta komaron kommane nan jiban baamle eo am tarinaeiki.

KOBNA EO EAR KAITOKLOK AN BOJRAK JIKUUL NAN EPROL 30 RAN

Elkin raelep rainin, Kobna eo an Iowa Kim Reynolds ear komman juon kojjela ikijen an kaitoklok kitien kean eo nan an jikuul ko ilo aolepen state in rej bojrak maanlok nan Eprol 30. Bar einwot ilo an ejjelok jikuul ilo kotaan in, aolep makutkut im burokuram ko rej kun.

District in ear ron im jela kin melele kein ilo tore eo ke ej konono kaki iben rinuuj ro, komman bwe en ejjelok uaak in kajitok ko ejanin kar wor uaak nani im ebar lon men ko jet jej aikuj melele nani.
Jej melele im jej enjake an baamle ko inebata ro ewor aer kajitok im ebar lon men ko rej aikuj komlele nani.– Jej bareinwot kate kom bukot ejja uaak kein wot. Jej jerbal im bukot elon lok melele im naj kojjelaik kom kaki iien eo wot jenaj maron tobar melele eo ejimwe im ekkar nan karok kein ejjab bojrak aer itok bwe jen loori.

Einwot an lon wot kajitok ko ad, komin kojatdikdik bwe rijerbal rein ad rar baj bojak wot nan jiban baamle ko einwot jar ennoik ke enaj kar aitoklok an jikuul bojrak. .

Erkein jet men ko jejela rainin:

• Einwot ad kar konanik waj kom jinoin lok kar wiik in, jino jen Wonje, rikaki ro ilo middle school im high school renaj lewaj katak ko rokkar, rikaki ro renaj jiban rijikuul ro kommani ekatak ko aer. Jenaj loor karok kein maan waj wot ilo ad kottar tok wot enaan jen state ikijen elane kilen katakin kein rokkar im emman nan ad lori im bwe en wewen eo in.
• Nan rijikuul in elementary ro, rikaki ro renaj ellewaj katak ko im kilen katakin ilo Seesaw, email ak renaj talboon waj.
• Einwot aolep iien, Jenaj kate koj bwe en jokkun wot juon ilo ad bukot menin aikuj ko an rijikuul ro ilo district in ad ilo ad jolok aolep kabanban ko im bukot lamlam ko nan an jelalokjen ilok nan aolep.
• Jokdon elane district in enaj kelet bwe en katakin kin jabdewot menin katak ak men ko rej aikuj bwe rijikuul ro rej aikuj ekatak kaki, einwot an alikar tok jen state, jonen awa in jikuul ko rijikuul ro rej aikuj kar kommani ilo jikuul emoj an Kobna eo jolok.
• Emoj jiron tok kom ke peba/abilkejen eo nan aer kelet elane rokonan ekatak jabdewot kain ak katak ko rej aikuj buki enaj itok Mande, Eprol 6, im enaj jomlok kitien ilo Eprol 10. Jenaj bar likuun lale peba eo elane enaj tobrak tok nan lale bar ta jenaj aiku kommane ilo kotaan in maan waj.
• Elap ad kate koj bwe kilaaj jonoulruo ro robojak in kadiwojlok renaj kadiwojlok.
• Jenaj wonmanlok wot ilo ad najidik rijikuul ro mona ko ejjelok wonaer nan rijikuul ro rej aikuji ilo tore in.

Bar juon alen, district in ej kab jela kin enanin aolep melele kaal kein ilo rainin ilo an kar diwoj tok kojjela eo nan aolep im kom jela ke ej naj wor wot jet kajitok. Ilo an janin wor uaak ibam nan elon ian kajitok kein ilo tore in, komij kate kom nan tobar im boktok uaak ko nan am naj kojelaik waj kom kaki ilo ran kane rej bedo tok.

Jet kein tore rej jab bidodo, im kom jela ke elon armej im baamle ko rej iion men ko reben ejjelok kar kotmane kaki. Einwot juon district, komij bojak in dibuk iien kein reben ibami im komij kate kom nan jiban kom kojbarok ejmuur, im aenomman im jelalokjen eo an rijikuul ro nejid.

Kojbarok wot im ejmuur en ilo kom.

Erkein enaan ko rokaal tok jen Dubuque Community School District:

EWOR KEIN JIBAN KATAKIN KO RAR ALIKAR IM TOBRAK ILO RAININ
Mwenan eo kein karuo an kein katakin ko rar komman jen Ro Rej Jiban ilo Lolorjake Jelalokjen ilo district in rej kio bed im walok ilo website eo am. Bar juon alen kein katakin kein ilo wiik in rej Kolmenlokjen ko kin Kilen Katakin + Ta ko Maron komani im ewor Kilen Katakin ikijen Jomdon ko im Enjake ko, im ebar lon kain Peba ko nan an Rijikuul ro Jerbal im Kaminene nan wiik in. Ewor kein jiban ko nan rijikuul ro ilo elementary, middle school im high school. Kajojo iian kein katakin kein bar juon alen rej elmakot wot, kein kaminene nan aolep ro rej ekatak ilo aolep kilaaj ko, im ej walok website ko ebool kain kein ekatak ko elap aer emman in lap tokjaer ilo online. Enaj iwoj komele kein ilo peba ilo jikin ebbok mona ko ilo Bolaide in, Eprol 3 ran.

LALE KEIN EKATAK KEIN ilo webpage eo ad kon Coronavirus nan ami maron loi wewen katakin kein.

KOKAJOOR IM JIBAN KATAKIN RO EWOR UTAMWE ILO ENBWINIER
Jejkate wot koj nan jiban rijikuul ro rej aikuji jiban ko nan ro ewor utamwe ipeer ilo tore in ej kilok wot jikuul im jar ejaki kein jiban im lewaj komlele im ewor ijoko konaan ro rej ekatak ilo aolep level. Einwot an district jab maron komman katakin ilo tore in ekilok jikuul, im jab maron Jiban rijikuul ro ewor aer mojno ilo ekatak ko aer, rikaki ro an ajiri ro ewor aer utamwe rej jab jomlok aer bukot kilen aer tobar rijikuul ro im baamle ko aer nan lewaj jiban ilo kwalok komlele kein jen district nan jiban debij wot rijikuul ro nan aer komman ekatak. Elane ajiri eo nejum ej maron delon ilo burokuram ko an special education ak kojanin ron jen iben rikaki ro an special education, jouj im jab mijak in kajjeon tobar rikaki eo ak principal eo an jikuul eo nan bukot jiban.

Erkein Enaan ko rokaal tok jen Dubuque Community School District:

AN RIJIKUUL RO MARON EKATAK ONLINE
Einwot ijo ej Eddoik Jikuul ko, Jej kate wot koj jerbal ilo ad kajjeon loor ukoktak kein jej jelmai im an wor oktak ilo karok ko jen ritel ro rej eddoik jelalokjen ilo state. Bolaide eo lok, Ra eo an Jelalokjen ilo Iowa ear ukot an lomnak im komman oktak ilo kakien eo an etto an bed im kojjela ke enaj kar komokajkaj an wor kitien kotobar in bwe jikuul district ko ren komman katakin nan rijikuul ro online.

Ilo ad kottar wot an wor kitien wewen in, jej tomak bwe eaorok nan ad wonmanlok wot im lelok katak nan rijikuul ro. Principal ro ad im ro uaan tiim eo ej lonaj im lolorjake jelalokjen rej kwelok jen iien nan iien nan lale ewi wewen eo emman tata nan ad lelok katakin nan rijikuul ro.

Ilju, district enaj lewaj mwenan eo kein karuo ikijen kilen im wewen jiban katakin rijikuul ro ilo elementary, middle school im high school ko im baamle ko aer. Kilen katakin kein enaj wor peba ko aer komman ekatak im kaminene ko roukoktak jen don im rijikuul romaron kommani ilo moko.

Jino jen naj lukon lok wiik in lal, middle im high schools renaj jino lelok nan rijikuul ro ta ko rokkar, katak ko karok lok bwe rikaki ro ren katakin kaki im naj bok melele ko jen rikaki ro kin jonan an rijikuul eo emaron kommane. Rikaki in elementary ro renaj wonmanlok wot ilo aer konono im jerbal iben rijikuul ro im baamle ko ilo Seesaw, email ak ilo talboon.

Rikaki ro renaj kwalok kilen komadmodi ekatak im jerbal ko nan jiban ekatak ilo kajojo ran nan ro renaj monono in bok konaer ak komman ekatak, botaab jeban kajjeon in ella lok jen awa in jerbal ko ilo juon ran in jikuul. Ilo an lon rutto rej jerbal jen moko im keto-ketak ikotan eddo ko aer rollon, jej konan kotlok elap iien nan an rijikuul kadedelok ekatak ko aer ilo tore ko ej wor ilo baamle eo ej maron jiban im iiun er nan ekatak.

Ilo ad jab meloklok aorok in an aikuj wor internet, ilo tore in jej bukot kilen an wor hotspots ko nan baamle ko an rijikuul in middle school im high school nan jiban kadiklok aban eo ikijen an aikuj wor internet. Enaj bar iwoj elon lok komlele ko ikijen ad etale im ekatak kin hotspot.

Einwot ad jela ke komman ekatak ilo online eban ein an emman im wor tokjen wot ad komman im bok katak ilowan kilaaj ruum ko, jej kate koj komman ta jemarone emman tata nan rijikuul ro ilo ad erre maan waj ilowan ran kein rej jab bidodo nan koj woj jimor.

Jej kajjeon kadedelok ad bukot kilen kilen ad kommani ekatak kein im naj bar elewaj melele ran kane tok jet ilowan wiik in.

Erkein enaan ko rokall tok jen Dubuque Community School District:

KJITOK KO KIN KOJJOMLOK IM KADIWOJLOK
Ibwiljin elon kajitok ko komij loe rij delon tok ej ko ikijen kojomlok ko im kadiwojlok. Komij kile ke elap an wor tokjaer, iien ko raorok im lap tokjaer nan rijikuul ro ilo kilaaj jonoulruo im baamle ko aer. Ilo an janin wor jabddwot men en enanin cancel tok nan rainin, iben an lokjak aolep men, eben nan am jela ilo tore in enaj ewi wewen men kein. Botab, komij, maron naj jiban ilo kotlok jidik iien monono im kamoolol ko an armej kin iien kein elane enaj emman im ejjelok kauwotata im jenaj ba elewaj enaan nan kojelaik kom elane enaj wor im alikar.

EKILOK JIKIN IKKURE KO
Eniwot an ben karreoik jikin ikkure im kein ikkure ko, im an kanuj lon rej etal im jibjibwi kein ikkure ko, aolep jikin ikkure ko ilo jikuul ko iumin district in rej kilok nan aolep armej mae bar juon iien naj bar kojjela kake. Kilok in aer komman elkin wot an kar itok kean eo jen Bukon in Dubuque in im ebar lon Bukon ko jet.

Erkein enaan ko rokall tok jen Dubuque Community School District:

EBAR LON LOK JIKIN EBBOK MONA JINO JEN MANDE, MAAJ 30 RAN
Jino jen Mande, Maaj 30 ran, district in enaj bar kalonlok kin jilu jikin ebbok mona ko ejjelok wonaerEBBOK-IM-ETAL mona nan ro eben aer ebok ijoko jet. Mona kein naj ektaki lok kin wa ko waan district ilo kajojo ran in jerbal ko (Mande-Bolaide) im naj maron bed ilo kajojo jikin kein iumin20 wot minit nan ro rej etal ilal lok im ebok wot. Nan kojbarok rijikuul ro im baamle ko aer, ejjelok ej etal kin wa im ebbok jen jikin kein jilu. Lale kojjela eo kin jikin ebbok mona ko ilo webpage ikijen ia wa ko remaron ettorlok im ebok mona jeni.

Ijoko kein:

Table Mound Mobile Home Park (iturin imon komman license eo/DOT ): KOJJAB ETTOR LOK KIN WA, ETETAL WOT.
JIKIN EO: 700 Noonan Street
AWA KO: 11-11:20 a.m.
IIEN MONA: MONA IN RAELEP IM KOJOTA (ebbok mabun nan ran eo tok juon ilo am ebbok mona in raelep!)

Table Mound Mobile Home Park (Iturin Casey): ETETAL LOK WOT/EJJELOK WA
JIKIN EO: 1221 Maquoketa Drive
AWA KO: 11:40 a.m.-Noon
IIEN MONA: Mabun im mona in raelep (ebbok mabun nan ran eo tok juon ilo am ebbok mona in raelep!)

Kojota nan 20 Mobile Home Park: ETETAL LOK WOT/EJJELOK WA
JIKIN EO: 14501 North Cascade Road
AWA KO: 12:30-12:50 p.m.
IIEN MONA: Mabun im mona in raelep (ebbok mabun nan ran eo tok juon ilo am ebbok mona in

KAKEMEMEJ IKIJEN PSEO EO ILO UNIVERSITY OF DUBUQUE
Ebwe an lon rijikuul in high school ko ilo district in rej ebbok kilaaj ko routeej lok an college ilo University of Dubuque ilo semesta in. Aolep kilaaj ko an UD rej bed online ilo aolepen semesta in, im ewor rijikuul in high school rej ebbok aer kilaaj in college ilo semesta in ijen.Tore in, rikaki ro ilo UD emoj aer ba lok nan rijikuul ro nan kwalok ta ren kommane im kilen aer tobar im kadedelok semesta in. Jouj im kur lok ak kebak rikaki in UD eo am elane ewor am kajitok ikijen kilaaj eo am.

Erkein enaan ko rokaal tata jen Dubuque Community School District:

EMOTTOK WEWEN KO NAN BOK AP (Advance Placement) TEEJ EO JEN COLLEGEBOARD EO
CollegeBoard eo, eo im ej lolorjake AP Teej in, ejab bok wonen lali im bok teej in ilo online, jen iben rikaki ro an AP jen aolepen belakin Amerka in. Kooj ak teej in ej nan ro rokonaan, kwoj maron wot ito-tak ilo am boke im elap an lon ro rej kelet bwe ren boke. Kooj in ej ikijen etale jonan im ta ko kwojela im nan letok juon kolmenlokjen jen 75% ibwiljin menin ekatak ko. Enaj bar wor jet menin jiban kein ekatak ko ekoba unin konono ko jen 25% in jomlokin lok kooj in.

BUKOT JIKEJUUL LINK KO NAN AP ILO YOUTUBE CHANNEL

RO REMARON JIBAN ILO JUKJUKINPED IN
Ilo aolep tore ne, im ilowan aoelpen iio en, elap an lon doulul ko rej bojak in jiban tok ajiri ro nejid im kamuniti in. Juon laajrak in doulul ko re jiban ajiri ro maron lo ilo Family Resource Guide bok eo an Bukon in Dubuque in, kar komman jen Dubuque County Early Childhood. Iien kein roppen remaron in bareinwot kaburomoj koj im kakkure enjake ko ad. Talboon eo nan Bukot Jiban ikijen ro rej kajjeon Anemkwoj e mour ka aer errein 24/7 at 1-800-273-TALK (8255).

LALE IA KO KOMARON KABBOK JIBAN JENE ILO KAMUNITI IN ilo Coronavirus Webpage eo ad, nan ebokFamily Resource Guide im bar melele ko jet ikijen won im ia jiban emaron itok jene.

Erkein enaan ko rokaal tata tok jen Dubuque Community School District:

EWOR KIO KEIN KATAKIN KO
Tiim eo ej Jiban Lolorjake Jerbal in Katakin ilo district in rar ejake Jet Lamlam ko Ikijen Kein Ekatak+im Kilen Komman Makutkut ko im juon Juon Jonak Ikijen Kamonono im Ipen don for nan an jinen im jemen rijikuul ro jiban rijikuul ro nejier. Elon jonak ko nan rijikuul in elementary, middle im high school. Enaj bar lon kein ekatak ko renaj iwoj ilo kajojo wiik. Kajojo ian komlele kein rej kwalok kain ikkure ko, romman nan jiban ro rej ekatak ilo aolep kilaaj ko, im rej ekkejel lok iben elon kain kein katakin ko elap tokjaer online. Enaj iwoj komlele kein ilo peba ilo jikin ajeej mona ko ilo Bolaide.

LALE KEIN JIBAN EKATAK KEIN ilo webpage eo an Coronavirus bwe kwon maron lo kein ekatak kein.

RIKAKI RO REJ TOBAR BAAMLE KO
Jej lomnak kin rijikuul ro im jen iakwe er im baamle ko aer! Aolep rikaki ro ilo aolepen jikuul kein ilo district in rej jerbal nan aer kur waj baamle ko ad. Enanin aolep call kein renaj iwoj jen nomba k ejab an jikuul, kon menin elane kom naj loi call kein rej iwoj nomba ko kom jaje kaki ak ko komij jab jab uaaki, jouj im uaake bwe jen maron tobar kom. Ijjelokin ikur kein, elon rikaki ro renaj jeje waj ilo SeeSaw, Canvas im email.

KILEN EKATAK NAN PSEO
Nan rijikuul ro rej ebok kilaaj ko an college, emoj an itok enaan nan district in jen state bwe “mene rijikuul eo ej ebok wot an kilaaj ilo high school, kooj eo ej an college, jikuul ko lok ilon ewor ej koblak kilen kommani kilaaj ko aer. Rijikuul eo ej aikuj wonmanlok wot im bok kilaaj eo, mae iien ewor jet wewen ko robidodo lok letok jen jikuul eo. Rijikuul eo ej maron bok kilaaj eo ekkar nan kon ko emoj karoki jen jikuul ko lok ilon.”

KOJERBAL INTERNET
Einwot ej mottan lok jerbal in bobrae kein nae COVID-19, Mediacom ear kojjelaik tok district in kin burokuram in wonen kojerbal internet ko an eddik woneen etan Connect2Compete. Kombani en emoj kio an kolaplok kajoor in burokuram ko an nan 25 mbps jonan eo ilal im 3 mbps ilo an kajoor. Baamle ko renaj maron delon ilo burokuram in im renaj maron delon ie mokta jen May 15, 2020, naj lelok nan er 60 ran in an ejjelok woneen kojerbal Mediacom Connect2Compete service en aer.

Mweo imom emaron boke elane:

• • • Mediacom ej lewaj internet service ilo moko imom ak.
    • Ewor juon iiet tata juon rijikuul ej bed ilo K-12 ej jokwe imweo
    • Ewor ne eiet juon ajiri ej bok woneen mona eo edik ak emaron likkuun ejjelok kijen jen burokuram in mona eo (NSLP)
    • Kwoj jab juon an Mediacom coustomer im kwar jab bed ipeer iumin 90 ran ko rej jomlok lok
    • Ejjelok am muri iben Mediacom ak ejjelok kein jerbal en konanin koroolok

Mediacom enaj bar kotlok am kojerbal Mediacom Xtream Wi-Fi Hotspots ilo jetjojo jikin ko ipelakin Dubuque in iumin 60 ran.