Skip to main content

COVID-19 (Marshallese)

Enaan Ko Rokaal Tata Ikijen Coronavirus: Maaj 31, 2020

Erkein Enaan ko rokaal tok jen Dubuque Community School District:

AN RIJIKUUL RO MARON EKATAK ONLINE
Einwot ijo ej Eddoik Jikuul ko, Jej kate wot koj jerbal ilo ad kajjeon loor ukoktak kein jej jelmai im an wor oktak ilo karok ko jen ritel ro rej eddoik jelalokjen ilo state. Bolaide eo lok, Ra eo an Jelalokjen ilo Iowa ear ukot an lomnak im komman oktak ilo kakien eo an etto an bed im kojjela ke enaj kar komokajkaj an wor kitien kotobar in bwe jikuul district ko ren komman katakin nan rijikuul ro online.

Ilo ad kottar wot an wor kitien wewen in, jej tomak bwe eaorok nan ad wonmanlok wot im lelok katak nan rijikuul ro. Principal ro ad im ro uaan tiim eo ej lonaj im lolorjake jelalokjen rej kwelok jen iien nan iien nan lale ewi wewen eo emman tata nan ad lelok katakin nan rijikuul ro.

Ilju, district enaj lewaj mwenan eo kein karuo ikijen kilen im wewen jiban katakin rijikuul ro ilo elementary, middle school im high school ko im baamle ko aer. Kilen katakin kein enaj wor peba ko aer komman ekatak im kaminene ko roukoktak jen don im rijikuul romaron kommani ilo moko.

Jino jen naj lukon lok wiik in lal, middle im high schools renaj jino lelok nan rijikuul ro ta ko rokkar, katak ko karok lok bwe rikaki ro ren katakin kaki im naj bok melele ko jen rikaki ro kin jonan an rijikuul eo emaron kommane. Rikaki in elementary ro renaj wonmanlok wot ilo aer konono im jerbal iben rijikuul ro im baamle ko ilo Seesaw, email ak ilo talboon.

Rikaki ro renaj kwalok kilen komadmodi ekatak im jerbal ko nan jiban ekatak ilo kajojo ran nan ro renaj monono in bok konaer ak komman ekatak, botaab jeban kajjeon in ella lok jen awa in jerbal ko ilo juon ran in jikuul. Ilo an lon rutto rej jerbal jen moko im keto-ketak ikotan eddo ko aer rollon, jej konan kotlok elap iien nan an rijikuul kadedelok ekatak ko aer ilo tore ko ej wor ilo baamle eo ej maron jiban im iiun er nan ekatak.

Ilo ad jab meloklok aorok in an aikuj wor internet, ilo tore in jej bukot kilen an wor hotspots ko nan baamle ko an rijikuul in middle school im high school nan jiban kadiklok aban eo ikijen an aikuj wor internet. Enaj bar iwoj elon lok komlele ko ikijen ad etale im ekatak kin hotspot.

Einwot ad jela ke komman ekatak ilo online eban ein an emman im wor tokjen wot ad komman im bok katak ilowan kilaaj ruum ko, jej kate koj komman ta jemarone emman tata nan rijikuul ro ilo ad erre maan waj ilowan ran kein rej jab bidodo nan koj woj jimor.

Jej kajjeon kadedelok ad bukot kilen kilen ad kommani ekatak kein im naj bar elewaj melele ran kane tok jet ilowan wiik in.

Enaan Ko Rokaal Tok Kon Coronavirus: Maaj 30, 2020

Erkein enaan ko rokall tok jen Dubuque Community School District:

KJITOK KO KIN KOJJOMLOK IM KADIWOJLOK
Ibwiljin elon kajitok ko komij loe rij delon tok ej ko ikijen kojomlok ko im kadiwojlok. Komij kile ke elap an wor tokjaer, iien ko raorok im lap tokjaer nan rijikuul ro ilo kilaaj jonoulruo im baamle ko aer. Ilo an janin wor jabddwot men en enanin cancel tok nan rainin, iben an lokjak aolep men, eben nan am jela ilo tore in enaj ewi wewen men kein. Botab, komij, maron naj jiban ilo kotlok jidik iien monono im kamoolol ko an armej kin iien kein elane enaj emman im ejjelok kauwotata im jenaj ba elewaj enaan nan kojelaik kom elane enaj wor im alikar.

EKILOK JIKIN IKKURE KO
Eniwot an ben karreoik jikin ikkure im kein ikkure ko, im an kanuj lon rej etal im jibjibwi kein ikkure ko, aolep jikin ikkure ko ilo jikuul ko iumin district in rej kilok nan aolep armej mae bar juon iien naj bar kojjela kake. Kilok in aer komman elkin wot an kar itok kean eo jen Bukon in Dubuque in im ebar lon Bukon ko jet.

Enaan Ko Rokaal Tok Kon Coronavirus: Maaj 27, 2020

Erkein enaan ko rokall tok jen Dubuque Community School District:

EBAR LON LOK JIKIN EBBOK MONA JINO JEN MANDE, MAAJ 30 RAN
Jino jen Mande, Maaj 30 ran, district in enaj bar kalonlok kin jilu jikin ebbok mona ko ejjelok wonaerEBBOK-IM-ETAL mona nan ro eben aer ebok ijoko jet. Mona kein naj ektaki lok kin wa ko waan district ilo kajojo ran in jerbal ko (Mande-Bolaide) im naj maron bed ilo kajojo jikin kein iumin20 wot minit nan ro rej etal ilal lok im ebok wot. Nan kojbarok rijikuul ro im baamle ko aer, ejjelok ej etal kin wa im ebbok jen jikin kein jilu. Lale kojjela eo kin jikin ebbok mona ko ilo webpage ikijen ia wa ko remaron ettorlok im ebok mona jeni.

Ijoko kein:

Table Mound Mobile Home Park (iturin imon komman license eo/DOT ): KOJJAB ETTOR LOK KIN WA, ETETAL WOT.
JIKIN EO: 700 Noonan Street
AWA KO: 11-11:20 a.m.
IIEN MONA: MONA IN RAELEP IM KOJOTA (ebbok mabun nan ran eo tok juon ilo am ebbok mona in raelep!)

Table Mound Mobile Home Park (Iturin Casey): ETETAL LOK WOT/EJJELOK WA
JIKIN EO: 1221 Maquoketa Drive
AWA KO: 11:40 a.m.-Noon
IIEN MONA: Mabun im mona in raelep (ebbok mabun nan ran eo tok juon ilo am ebbok mona in raelep!)

Kojota nan 20 Mobile Home Park: ETETAL LOK WOT/EJJELOK WA
JIKIN EO: 14501 North Cascade Road
AWA KO: 12:30-12:50 p.m.
IIEN MONA: Mabun im mona in raelep (ebbok mabun nan ran eo tok juon ilo am ebbok mona in

KAKEMEMEJ IKIJEN PSEO EO ILO UNIVERSITY OF DUBUQUE
Ebwe an lon rijikuul in high school ko ilo district in rej ebbok kilaaj ko routeej lok an college ilo University of Dubuque ilo semesta in. Aolep kilaaj ko an UD rej bed online ilo aolepen semesta in, im ewor rijikuul in high school rej ebbok aer kilaaj in college ilo semesta in ijen.Tore in, rikaki ro ilo UD emoj aer ba lok nan rijikuul ro nan kwalok ta ren kommane im kilen aer tobar im kadedelok semesta in. Jouj im kur lok ak kebak rikaki in UD eo am elane ewor am kajitok ikijen kilaaj eo am.

Enaan Ko Rokaal TokKin Coronavirus: Maaj 26, 2020

Erkein enaan ko rokaal tata jen Dubuque Community School District:

EMOTTOK WEWEN KO NAN BOK AP (Advance Placement) TEEJ EO JEN COLLEGEBOARD EO
CollegeBoard eo, eo im ej lolorjake AP Teej in, ejab bok wonen lali im bok teej in ilo online, jen iben rikaki ro an AP jen aolepen belakin Amerka in. Kooj ak teej in ej nan ro rokonaan, kwoj maron wot ito-tak ilo am boke im elap an lon ro rej kelet bwe ren boke. Kooj in ej ikijen etale jonan im ta ko kwojela im nan letok juon kolmenlokjen jen 75% ibwiljin menin ekatak ko. Enaj bar wor jet menin jiban kein ekatak ko ekoba unin konono ko jen 25% in jomlokin lok kooj in.

BUKOT JIKEJUUL LINK KO NAN AP ILO YOUTUBE CHANNEL

RO REMARON JIBAN ILO JUKJUKINPED IN
Ilo aolep tore ne, im ilowan aoelpen iio en, elap an lon doulul ko rej bojak in jiban tok ajiri ro nejid im kamuniti in. Juon laajrak in doulul ko re jiban ajiri ro maron lo ilo Family Resource Guide bok eo an Bukon in Dubuque in, kar komman jen Dubuque County Early Childhood. Iien kein roppen remaron in bareinwot kaburomoj koj im kakkure enjake ko ad. Talboon eo nan Bukot Jiban ikijen ro rej kajjeon Anemkwoj e mour ka aer errein 24/7 at 1-800-273-TALK (8255).

LALE IA KO KOMARON KABBOK JIBAN JENE ILO KAMUNITI IN ilo Coronavirus Webpage eo ad, nan ebokFamily Resource Guide im bar melele ko jet ikijen won im ia jiban emaron itok jene.

Enaan Ko Rokaal Tata Ikijen Cornonavirus: Maaj 25

Erkein enaan ko rokaal tata tok jen Dubuque Community School District:

EWOR KIO KEIN KATAKIN KO
Tiim eo ej Jiban Lolorjake Jerbal in Katakin ilo district in rar ejake Jet Lamlam ko Ikijen Kein Ekatak+im Kilen Komman Makutkut ko im juon Juon Jonak Ikijen Kamonono im Ipen don for nan an jinen im jemen rijikuul ro jiban rijikuul ro nejier. Elon jonak ko nan rijikuul in elementary, middle im high school. Enaj bar lon kein ekatak ko renaj iwoj ilo kajojo wiik. Kajojo ian komlele kein rej kwalok kain ikkure ko, romman nan jiban ro rej ekatak ilo aolep kilaaj ko, im rej ekkejel lok iben elon kain kein katakin ko elap tokjaer online. Enaj iwoj komlele kein ilo peba ilo jikin ajeej mona ko ilo Bolaide.

LALE KEIN JIBAN EKATAK KEIN ilo webpage eo an Coronavirus bwe kwon maron lo kein ekatak kein.

RIKAKI RO REJ TOBAR BAAMLE KO
Jej lomnak kin rijikuul ro im jen iakwe er im baamle ko aer! Aolep rikaki ro ilo aolepen jikuul kein ilo district in rej jerbal nan aer kur waj baamle ko ad. Enanin aolep call kein renaj iwoj jen nomba k ejab an jikuul, kon menin elane kom naj loi call kein rej iwoj nomba ko kom jaje kaki ak ko komij jab jab uaaki, jouj im uaake bwe jen maron tobar kom. Ijjelokin ikur kein, elon rikaki ro renaj jeje waj ilo SeeSaw, Canvas im email.

KILEN EKATAK NAN PSEO
Nan rijikuul ro rej ebok kilaaj ko an college, emoj an itok enaan nan district in jen state bwe “mene rijikuul eo ej ebok wot an kilaaj ilo high school, kooj eo ej an college, jikuul ko lok ilon ewor ej koblak kilen kommani kilaaj ko aer. Rijikuul eo ej aikuj wonmanlok wot im bok kilaaj eo, mae iien ewor jet wewen ko robidodo lok letok jen jikuul eo. Rijikuul eo ej maron bok kilaaj eo ekkar nan kon ko emoj karoki jen jikuul ko lok ilon.”

KOJERBAL INTERNET
Einwot ej mottan lok jerbal in bobrae kein nae COVID-19, Mediacom ear kojjelaik tok district in kin burokuram in wonen kojerbal internet ko an eddik woneen etan Connect2Compete. Kombani en emoj kio an kolaplok kajoor in burokuram ko an nan 25 mbps jonan eo ilal im 3 mbps ilo an kajoor. Baamle ko renaj maron delon ilo burokuram in im renaj maron delon ie mokta jen May 15, 2020, naj lelok nan er 60 ran in an ejjelok woneen kojerbal Mediacom Connect2Compete service en aer.

Mweo imom emaron boke elane:

      • Mediacom ej lewaj internet service ilo moko imom ak.
      • Ewor juon iiet tata juon rijikuul ej bed ilo K-12 ej jokwe imweo
      • Ewor ne eiet juon ajiri ej bok woneen mona eo edik ak emaron likkuun ejjelok kijen jen burokuram in mona eo (NSLP)
      • Kwoj jab juon an Mediacom coustomer im kwar jab bed ipeer iumin 90 ran ko rej jomlok lok
      • Ejjelok am muri iben Mediacom ak ejjelok kein jerbal en konanin koroolok

Mediacom enaj bar kotlok am kojerbal Mediacom Xtream Wi-Fi Hotspots ilo jetjojo jikin ko ipelakin Dubuque in iumin 60 ran.

Enaan Ko Rokaal Tok Kin Coronavirus: Maaj 24

Men eo moktata ilo enaan kein an rainin, juon melele eo elap an aorok: Ejab jomlok an itok elon kajitok ko ikijen komman ekatak online ilo ran kein maan waj Ej juon wewen eo aolep jikuul district kein ilo aolepen state in rej tarinaeiki im bukot uaak nane. Eklkin raelepen rainin, Jar ron tok jen Ra eo an Jelalokjen ilo Iowa ke ewor juon kumi emoj ejake ikijen wewen in im renaj kwelok ran kane tok jet ilowan wiik in. Jenaj kottar wot ad bar bok elon lok komlele ko nan kalikar kumi kein ilo ad wonman waj im ellewaj kein jiban ekatak nan baamle ko im rijikuul ro.

Rainin, ilo tore in jen lewaj melele kein rokaal, jej bareinwot bok jidik iien nan ad kainne bok kitwod, emenono im likkuun kolmenlokjen.

Einwot ke etto ad kar ba, ej armej ro ro rej likkuun komman kabwilonlon ilo Jikuul kein ilo Bukon in Dubuque in– im ejab jonan wot ilo tore kein rebben.

Lal in jej bed ie rainin elap an oktak jen kar jonan eo an wiik eo lok, im jokonan kalimuri kom ke ejab jomlok ad jerbal nan bukot tok kein jiban ekatak ko, borokuk waj im bukot aenomman ilo ad aolep jelmae aban kein jimor.

Ilo ami riiti enaan in,

  • ritel ro im rikaki ro jen aolepen pelakin district in rej koboji kein jiban ekatak ko an rijikuul ro im rej koboji nan aer liwaji nan baamle ko ilowan ran kane rej bedo tok.
  • rijerbal ro ilo district in im ebar lon ro jet mottad rej monono in jiban tok koj ilo kobooj mona ko im naajidik rijikuul ro ilo aolepen turturin jukjukinped in ilo ejjelok wonen.
  • rikarreo ro rej boub in kommani karreo ko rotiljek ilo imon jikuul ko.
  • rijerbal ro ilo obij ko rollap rej likkuun lale bwe wonen rijerbal, muri ko, im kein jerbal ko rokabel im ko jet ren jab bojrak.
  • rikokkabiloklok ro rej koboji kilten im wewen ko nan jiban im kokajoor aenomman im jokane an baamle ko.
  • rikaki ro rej im renaj ikur waj nan tobar baamle ko nan lale ej et jabdewot.
  • mam im baba ro rej karok iien ko im jiban rijikuul ekatak wot jen moko.
  • Jukjukinped in loke im kojatdikdik ko ro raorok im elap ijoko konaer.

Ej lon wot kajitok – jet iaer jomaron uaaki kio, im ko jet jej jerbal wot nan ad uaaki. Jet uaak romaron to uaaki. Jej koba waj ibami ilo ad bukot iial in maan waj, ilo jikin in ekaal nan koj woj jimor.

Ilo ad ban aolep iien wor ad uaak nan aolep kajitlk ko rej itok, jemaron jiron kom ke ilo ejjelok pere ke aolepen district ej likkuun komaat an maron ilo kalimjok jelalokjen, jokane, ejmuur jeramman eo nan aolep rijikuul ro im baamle ko komij jerbal nan er.

Elap an uteej buruwod im jej emonono kin eddo in eaorok ilo ad mottami im kakobaik koj ipen don im jej kamolol kin ijoko konami im jomdoon tok ilo ad wonman waj.

Jikuul Kein ilo Bukon in Dubuque in rejab, im roban koban wot elon em ko. Jikuul kein rej koba im ipen don eo an rijikuul ro, baamle ko aer, rijerbal ro im ro mottad ilo jukjukiped in im rej jiban koj im letok jiban ko jej aikuji nan rijikuul ro.

Jenaj jerbal man waj ipen don nan dibuk im tarinaeik COVID-19 ipen don, jenaj wonmalok wot im konanik waj kom kin enaan ko rokaal jen district in toon wot ad naj aikuj, im jenaj lale tok wot kin kojatdikdik mae tore eo jenaj maron ekatak im jerbal ipen don ilo likieo in armej.

Reiman waj nan bar enaan ko renaj kaal tok im bar melele ko jet ilju.

Enaan eo Ekaal Tata kin Coronavirus: Maaj 23

Erkein enaan ko rokaal tata jen Dubuque Community School District:

KOJONOLOK KOJ JEN RO JET ELAP AN AOROK NAN BOBRAE AN MONANE
Ilo tore in ilo rainin, ewor jiljino keej in COVID-19 emoj kamooli ilo Bukon in Dubuque in. Jej bar juon alen rojan baamle ko, rijerbal ro im aolep armej ilo jukjukinped in nan bok bunton ko nan ami make lok iami jen ro jet nan maron bobrae ajeded in naninmej in coronavirus COVID-19. Ewor ijoko konan kajojo. LALE KOMLELE KO KIN BOBRAE ilo Webpage eo ad kin Coronavirus.

LOMNAK KIN EJMUUR
Iben lok bunton ko nan jiban kadiklok ajeded in COVID-19, ebareinwot aorok bwe jen jela kin aorok in ejmuur eo an baamle eo am ilo tore in emonene naninmej in. Nan wot bar kakememej, Child Mind Institute eo (Jikuul in Ekatak kin Kolmenlokjen an Ajiri) emoj an ejake juon wewen katakin ajiri ro etan in Konono nan Ajiri ro Kin Coronavirus emoj kile jen American School Counseling Association eo komaron konan kojerbale nan jiban komao ko ikotamiro rijikuul eo.

KOMMAN JERBAL IN KATAKIN
Ejab jomlok an itok kajitok ko rollon kin wewen lelok katakin ilo tore in ejjelok jikuul, im elon armej rej keid ikotan wewen ko rej kommani jen ro mottad ilo Illinois. Eaorok nan jela ke ilo tore in enaan in diwoj waj, kakien eo an Iowa ejab komalim komman katakin online. Ej wewen eo in ej jarjar maan tak, im kakien ko an state im federa jimor rej aikuj oktak, ak ilo tore in eben an jikuul ko ilo Iowa wonmanlok ilo bar juon wewen eo eoktak lok.

Ilo an melele ko jen state komo komman katakin ko rej aikuj komman, ritel ro rej bok eddon jikuul kein im tiim ko rej jiban tok kij rej kote er ilo wiik in boktok elmakot ko ikijen wewen komman katakin nan rijikuul ro ilo tore ejanin wor oktak ikijen wewen lelok katakin.

JERBAL KO AN MIDDLE SCHOOL REJ IJJINO ILJU
Jino jen ilju, Rikaki in middle school im rijerbal ro ilo middle school renaj jino kajjeon tobar baamle ko aer ilo tore in ebojrak jikuul. Kur/call kein elap wot aer naj iwoj jen nomba ko ejab an district/jikuul ko, kon menin elane konaj elolo call waj jen nomba ko kwoj jab jela kaki ak nomba ko komaron block I, jouj im naj uaaki call kein waj bwe jen maron tobar kom im konono ibami.

Enaan eo Ekaal Tata kin Coronavirus: Maaj 20

Enin enaan eo ekaal tata jen Dubuque Community School District:

MOKTA LALE ELANE IJ KEEJ IN COVID-19 ILO DUBUQUE IN
Inne, Maaj 19, Incident Management Team eo an Ruteej ro ilo Jikin Ejmuur eo ilo Iowa rar kojjela kake keej in coronavirus COVID-19 eo emoj kamool kake ilo Bukon in Dubuque. RIIT I AOLEPEN KOJJELA IN.

Jej kajitok iben aolep armej bwe ren wonmanlok wot ilo aer kamineneik er kotoone ro jet im wewen ko nan bobrae nan kadiklok ajeded in COVID-19 in.

LALE KILEN BOBRAE KEIN Ilo webage eo an district ikijen Enaan ko rokaal kin Coronaviruson

MONA KO KIJEN RIJIKUUL RENAJ IJJINO MANDE
Jino jen Mande, Maaj 23, district in im ebar wor ro jet mottad ilo jukjukinped in renaj elelok mona ko ejjelok wonaer rej BUKI-IM-ETAL ilo kajojo ran in jerba ko (Mande-Bolaide) nan armej ro 18 aer iio im dik lok.(kememej bwe enaj ejjelok milik im mona nan ninnin ro).

Bar juon ijokein, im ebar wor doulul ko im jikin kakkon mona ko rej ajej nan jiban ro rej aikuj.

LALE IA NAN EBOK MONA ilo webpage eo an district kin Enaan ko Rokaal kin Coronavirus.

ENAAN KO ROKAAL IKIJEN AP TEEJ EO JEN BOARD EO AN COLLEGE
CollegeBoard, eo ej kommani teej ibelakin Amedka in, ear eletok melele jibbonin rainin ikijen karok ko an nan an komman AP teej ilo moko im lelok kein ekatak nan koboj rijikuul ro. IIEN EO NAN AD KARUWAINENEIK TOK RIJIKUUL IN.

KINDERGARTEN RO EBOJRAK
cancelled Ejjelok oktak jen aolep makutkut ko jet ilo district in, iien eo nan karuwaineneik Kindergarten eo kar karoke nan Maaj 31 emoj an bar jako. District in enaj kojjela wiik in lal nan baamle ko im rijikuul ro renaj delone tok kindergarten iio in lal ikijen aolep melele ko kin wewen komani ak buktoki peba ko remenin aikuj.

Enaan eo Ekaal Tata kin Coronavirus: Maaj 19

Erkein Enaan ko Rokaal Tata Jen Dubuque Community School District:

KEIN JIBAN KOKKOMANMAN EKATAK NAN RIJIKUUL RO
Einwot an kar walok ilo enaan ko inne, District in ej jerbal nan na kein kokajoor ko roune nan rijikuul ro ilo kotaan in ebojrak jikuul im elon baamle ko reikdelel nan tobari kein jiban ekatak kein. Ejja ilo tore in wot, ilo tore in ejab bidodo im elap kabanban ko, jej kojatdikdik bwe kom naj bok jidik iien nan kakememej bwe rijikuul ro rejab luji iien ekatak ko aer. Ilo an lon men ko ibelakud, jej bareinwot kojatdikdik bwe kom maron lo wewen ko nan ami kakkuje jidik im bar jinoe, mene iumin wot jidik iien.

Emaron bidodo ad lale tok. Im ej konan eo ad in aolep bwe en wor melele im menin jiban ko nan baamle ko ilo iien eo emokaj tata, wewen in elap an ben im elon tiim ko elap aer jerbal nan kotobrak menin jiban kein.

Einwot juon jikin jerbal eo ekilep, district in ejab bidodo kobelake im jerbale nan kotobarak aikuj ko an elon jerlepju in rijikuul ro, Jej kalimjok ia eo jemaron bukot tok kein jiban ekatak kein ilo juon wewen eo ejokkun wot juon nan aolep rijikuul, Ilo ad bareinwot kottobar eddo kein ad letok iumin kien ilo ad bok kabilok ko jen ra ko jimor an jelalokjen ilo state im federal

Einwot ke jeban maron keidi jelalokjen eo jej boke ilo ad bed ilo jikuul, jej jela ke jej kate koj nan ad bukot menin jiban ko rollon tata jonan wot ad maron nan rijikuul ro. Jej bareinwot likkuun kate koj elap tata nan rijikuul ro rej bojak in kadiwojlok ilo iio in bwe ren kate wot er maanlok mae aer kadiwojlok.

Jej erre maan lok nan ad bar boktok elon lok melele nan kom wiik in lal elane renaj alikar im walok tok.

Enaan eo Ekaal Tata kin Coronavirus: Maaj 18

Erkein Enaan ko Rokaal Tata Jen Dubuque Community School District:

MONA KO ROUNE NAN BAAMLE KO
Ilo ad tobar tok iolaplap in wiik in kakkuje in ilo spring in, Jar ko rej Kokajoor kin ikijen Jelalokjen rej kio komman karon ko nan ain tok mona ko roune nan an mama im baba ro kokajoor im lolorjake rijikuul ro ilo tore in ebojrak jikuul. Jej karok bwe jen jino ajeji mona kein wiik in lal. Einwot ad jela ke ejjelok jabdewot men emaron bok jikin jelalokjen eo ej ejak ikotaan rikaki ro im rijikuul ro nejid, ewor ad kotmane ke mona kein renaj boktok elap monono im kamolol nan jinen im jemen rijikuul ro, renaj kawor tokjen aolep iien kein nan kojerbali nan komman ekatak jen kilaaj ko reddik nan kilaaj ko ilon. Enin ej juon wewen jiban eo jej ekjake kio bwe en laplok im emman lok ilo tore kane rej pedo tok.

JOUJ IM KAMINENE KOJONOLOK KOM
Ilo an bojrak in wonmanlok wot, ruteej ro ilo ra eo an jikin ejmuur rej likuun rojan kij kin aorok eo nan ad kojonolok kij. Ilo tore in, district in ej likuun kajitok bwe aolep rijikuul ro, baamle ko im rijerbal ro ren likuun bokake im loor wewen in, kamineneik kom kojonolok kom jen don im jab ain don ilo men ko ejjelok tokjaer.

EBOJRAK KILAAJ IN EKATAK KATTOR EO
Enaj ejjelok ekatak kattor ilo tore in ebojrak jikuul.